Annabi Muhammad (S.A.W.A)

TAƘAITACCEN TARIHIN ANNABI MUHAMMAD BN ABDULLAH (SAWA)

SUNA DA NASABARSA (SAWA):
Sunansa Muhammad bn Abdullahi bn Abdul Mutallib bn Hashim bn Abdu Manaf bn Kusay bn Kilab, nasabarsa tana komawa ne ga Annabi Ibrahim (AS).

MAHAIFIYARSA (SAWA):
Ita ce Amina bint Wahab bn Abdu Manaf bn Zuhra bn Kilab.

ALKUNYARSA (SAWA):
Abul Ƙasim da Abu Ibrahim

LAƘABINSA (SAWA):
Daga cikin laƙubbansa akwai:
Al-Mustafa, sannan akwai wasu kuma da suka zo cikin Alƙur’ani mai girma da suka haɗa da:
Khatam al-Nabiyin, Al-Ummi, Al-Muzammil, Al-Mudaththir, Al-Nadhir, Al-Mubin, Al-Karim, Al-Nur, Al-Ni’ima, Al-Rahma, Al-Abd, Al-Ra’uf, Al-Rahim, Al-Shahid, Al-Mubasshir, Al-Da’iy da sauransu.

TARIHIN HAIHUWARSA (SAWA):

An haifi Annabi Muhammad (SAWA) ne a ranar 17 ga watan Rabi’ul Awwal a shekarar giwaye (571 miladiyya), wannan shi ne abin da yafi shahara tsakanin ‘yan Shi'a, wasu kuma sun ce a ranar 12 ga watan Rabi’ul Awwal a shekarar giwayen.

WAJEN DA AKA HAIFE SHI (SAWA):
Birnin Makka.

LOKACIN DA AKA AIKO SHI (SAWA):
An aiko Manzon Allah (SAWA) a matsayin Manzo ne a garin Makka a ranar 27 ga watan Rajab a lokacin yana ɗan shekaru 40 a duniya.

KOYARWARSA (SAWA):
Manzon Allah (SAWA) ya zo ne da saƙon daidaituwa tsakanin dukkanin halittu, ‘yan’uwantaka da kuma afuwa ta gaba ɗaya ga duk wanda ya shiga Musulunci, sannan kuma ya zo da cikakkiyar shari’a da dokoki na adalci. Ya karɓo wadannan hukumce-hukumce ne daga wajen Ubangiji Madaukakin Sarki, don ya isar da su zuwa ga dukkanin al’umma.

MU'UJIZARSA (SAWA):
Mafi girman mu’ujizarsa shi ne Alƙur’ani mai girma, amma sauran mu’ujizozin da ya nuna a lokacin isar da saƙon sa kuwa suna da yawa da ba za a isar ƙirga su ba.

DA'AWARSA (SAWA):
Ya kirayi mutane zuwa ga kaɗaita Ubangiji a garin Makka a ɓoye na tsawon shekaru uku, sannan a bayyane kuma na tsawon shekaru goma.

HIJIRARSA (SAWA):
Manzon Allah (SAWA) ya yi hijira ne daga Makka zuwa Madina a farko-farkon watan Rabi’ul Awwal bayan shekaru 13 da aiko shi saboda tsananin cutarwar da mushirikai suka nuna masa da shi da sahabbansa.

YAƘUƘUWANSA (SAWA):
Bayan da Allah Madaukakin Sarki Ya yi masa umarnin yaƙan kafirai da mushirikai da munafukai, Manzon Allah (SAWA) ya yaƙe su a lokuta daban-daban.
Fitattun yaƙin da ya yi sun haɗa da:

• Yaƙin Badar.
• Yaƙin Uhudu.
• Yaƙin Khandak ko kuma Ahzab.
• Yaƙin Khaibar.
• Yaƙin Hunain.

MATAYENSA (SAWA):

• Khadijah bint Khuwailid, ita ce matarsa ta farko (SAWA).
• Saudatu bint Zam’ah
• A’isha bint Abi bakr
• Ghaziyya bint Dudan (Umm Sharik)
• Hafsat bint Umar
• Ramla bint Abi Sufyan (Umm Habiba)
• Umm Salama bint Abi Umayyah
• Zainab bint Jahshin
• Zainab bint Khuzaimah
• Maimuna bint Al-Harith
• Juwairiya bint Al-Harith
• Safiyya bint Hayyi bn Akhtab.

‘YA'YAYENSA (SAWA):

1. Abdullah.
2. Al-Ƙasim.
3. Ibrahim.
4. Fatima al-Zahra (SA).
Wasu sun ce akwai kuma:
5. Zainab
6. Ruƙayya
7. Umm Kulthum.

BAFFANINSA (SAWA):

1. Al-Harith.
2. Al-Zubair.
3. Abu Talib.
4. Hamza.
5. Al-Ghaidak.
6. Dharar al-Mukawwim.
7. Abu Lahab.
8. Al-Abbas.

GWAGGWANANSA (SAWA):
Daga cikinsu akwai:

1. Umaymah.
2. Umm Hakimah.
3. Barra.
4. Atika.
5. Safiyya.
6. Arwah.

WASIYYANSA (SAWA):
Su ne Imamai Ma’asumai goma sha biyu (AS), su ne:

1. Amirul Muminina Ali bn Abi Talib (AS).
2. Al-Hasan bn Ali (AS).
3. Al-Husain bn Ali (AS).
4. Aliyu bn Husain (AS).
5. Muhammad bn Ali (AS).
6. Ja’afar bn Muhammad (AS).
7. Musa bn Ja’afar (AS).
8. Aliyu bn Musa (AS).
9. Muhammad bn Ali (AS).
10. Aliyu bn Muhammad (AS).
11. Al-Hasan bn Ali (AS).
12. Muhammad bn Hasan Al-Mahdi al-Muntazar (Allah Ya gaggauta bayyanarsa).

MAWAƘAN (SAWA):

• Hussan bn Thabit.
• Abdullah bn Rawaha.
• Ka’ab bn Malik.

LADANANSA (SAWA):

1. Bilal al-Habashi.
2. Ibn Umm Maktum.
3. Sa’ad Al-Kard.

RUBUTUN HATIMINSA (SAWA):
Muhammad Rasulullah.

SHEKARUNSA (SAWA):
Shekaru 63.

LOKACIN ANNABCINSA (SAWA):
Shekaru 23.

LOKACIN RASUWARSA (SAWA):
Manzon Allah (SAWA) ya rasu ne a ranar 28 ga watan Safar, shekara ta 11 bayan hijira.

WAJEN RASUWARSA (SAWA):
Birnin Madina.

ƘABARINSA (SAWA):
Masallacinsa da ke birnin Madina.