Imam Aliyu (A.S)

TAƘAITACCEN TARIHIN IMAM ALI BN ABI TALIB (AS)

SUNA DA NASABARSA (AS):
Sunansa shi ne Aliyu bn Abi Talib bn Abdul Mutallib bn Hashim bn Abdu Manaf.

MAHAIFIYARSA (AS):
Fatima bint Asad bn Hashim bn Abdu Manaf.

ALKUNYARSA (AS):
Abul Hasan, Abul Husain, Abul Sibtain, Abul Raihanatain, Abu Turab da sauransu.

LAƘABINSA (AS):
Amirul Muminin, Sayyid al-Muslimin, Imam al-Muttaƙin, Ƙa’id al-Gurral Muhajjalin, Sayyid al-Awsiya’, Sayyid Al-Arab, Al-Murtadha, Ya’asub Al-Din, Haidar, Al-Anza’ Al-Batin, Asadullah da sauransu.

TARIHIN HAIHUWARSA (AS):

An haife shi ne a ranar 13 ga watan Rajab, shekaru talatin bayan shekarun giwaye, wato bayan shekaru talatin kenan da haihuwar Ma’aiki (SAWA).

WAJEN HAIHUWARSA (AS):
Garin Makka, a cikin ɗakin Ka’aba.

YAƘUƘUWANSA (AS):
Amirul Muminina (AS) ya kasance tare da Ma’aiki (SAWA) a yaƙuƙuwan da ya yi da kafirai in banda yaƙin Tabuka lokacin da Manzo (SAWA) ya buƙace shi da ya zauna a Madina don kula da al’amurra.
Yaƙuƙuwan da ya yi da kansa kuwa lokacin halifancinsa (AS) su ne:

• Yaƙin Jamal.
• Yaƙin Siffin.
• Yaƙin Nahrawan.

MATAYENSA (AS):

1. Fatima al-Zahra (SA) ‘yar Ma’aiki Muhammad (SAWA).
2. Umamah bint Abi Al-Aas.
3. Ummul Banin.
4. Laili bint Mas’ud.
5. Asma’ bint Umais.
6. Al-Sahba’ bint Rubai’ah (Umm Habib).
7. Khaula bint Ja’afar.
8. Umm Sa’ad bint Urwah.
9. Mukhba’ah bint Imra’il Kais.

‘YA’YANSA (AS):
Akwai saɓani tsakanin malaman tarihi kan adadin ‘ya’yansa (AS), sai dai ruwayoyi sun tsaya ne tsakanin 25 da 33. Ga fitattu daga cikinsu:

• Imam Hasan (AS).
• Imam Husain (AS).
• Zainab al-Kubra (SA).
• Zainab al-Sughra.
• Abbas (Abul Fadhl) (AS)
• Muhammad al-Awsat.
• Ja’afar.
• Abdullah.
• Usman.
• Muhammad bn Al-Hanafiyya.
• Yahya.
• Umm Hani.
• Maimuna.
• Jumanah (Umm Ja’afar).
• Nafisa.

RUBUTUN HATIMINSA (AS):
Al-Mulk lillah al-Wahid al-Kahhar, wasu kuma sun ce sabanin hakan.

SHEKARUNSA A DUNIYA (AS):
Shekaru 63 a duniya.

SHEKARUN IMAMANCINSA (AS):
Shekaru 30.

LOKACIN SHAHADARSA (AS):
Imam Ali (AS) ya yi shahada ne a ranar 21 ga watan Ramalana shekara ta 40 hijiriyya.

DALILIN SHAHADARSA (AS):
Saran da la’anannen Allah Ibn Muljam al-Muradi ya yi masa a kansa da takobi mai guba a lokacin da yake salla a masallacin Kufa.

ƘABARINSA (AS):
Birnin Najaf mai tsarki, a yankin Al-Gari.