Hammad Ibrahim

HAMMAD IBRAHEEM ZAKZAKY: Sayyid Hammad shi ne ɗa na Bakwai a jerin ‘ya’yan Shaikh Ibraheem Zakzaky (H). An haife shi ne ranar 10 ga watan Disamba na shekarar 1997. Ya yi karatun Firamare da Sakandire a Nijeriya, kuma ya yi karatun addini a gaban mahaifinsa.

Ya yi shahada ne ranar Litinin 14 ga watan Disamba na shekarar 2015, wanda ya yi daidai da ranar uku ga watan Rabi’ul-Auwal na shekarar 1437. Ya rayu a duniya tsawon shekaru 18 kacal.

Kafin shahadarsa shi ne kwamandan rundunar ƙananan yara masu tasowa da ake kira “Kasshafa”. Ya yi shahada ne sakamakon kisan gillar da sojojin Nijeriya suka yi masa a gaban mahaifinsa a unguwar Gyallesu da ke cikin birnin Zariya. Haziƙi ne mai kaifin ƙwaƙwalwa da basira. An shaide shi da yawan ibada, iya mu’amala, da kula da ƙananan yara.